Obuli Tokou bo...

AGARAS KOPIO TANGAANAK KHC MANANGKUS TOSODU:

Nokuro om Poingkuro?

Nokuro tu ogumu tanganak sikul mantad kaalaian toko’ kalantoi id ponongkusan tosodu id sipoot? Komoyon ku nopo ponongkusan tosodu nga miagal no di jogathon, marathon om cross country. Nopurimanan ku nopo nga kosuang nopo pintangaan sikul om kaamung oku nogi pialaan manangkus osodu tongkuson diti. Nokoumbal kasari I boh do nakaanu mumbur. MIagal nogi kanto iri tangaanak sikul mantad kaalaian took do baino. Ogumu kanto toi kogumuan kanto lobi ointutunan id kaganaan miagal dilo, I ponongkusan tosodu, mimbuul, hoki om suusuai po. Nga miming do haro kasari kanto tangaanak sikul mantad kampong took I nangakalantoi id ponongkusan tosomok miagal  hatus meter (100 meter), 200m om 400m.

Cross Country: Iso gana sipoot i momobuno ogumu gas oksijon om kagarasan do topos om tunduundu

Nokuro toi gia tu mantad kinoiyonon took nopo nga poinloolobi id ponongkusan tosodu? Toi id kaganaan sipuut I mokianu pinuhobo tanaru om alaid do ohuyan?

Iti ngai nopo nga nasabab di kinoiyonon kampong tokou. Kalaaian I kinogoyoon took nopo diti nga poinsaasawat kinakawason dau nung piagalon kinoiyonon ponong id sawa-sawa. Yaiti nopo nga id sarayo om yolo nopo nga id sawa-sawa. Poinsaasarayo tokou om poinsokid tomod toi poinsarayo tomod. Tumanud nopo do altitud nga kinoyonon tokou no loolobi kaalaian Kg Tudan Kiulu I bobos poinsarayo om poingkawas, om nogi poingayo komoyon do altitude dau. Amu oku nopo kasala nga altitud id Kg. Tudan Kiulu nopo nga kiikiro do 5600 meter mantad piras do laut. Altitud nopo ponong id Tomporuli om Tuaran nga kiikiro do 20 meter no kanto mantad piras do laut.

Poingiyon ko nopo id doros Nulu Kinabalu nga poilobi-lobi ko soira tumanud Kinabalu Climbathon

Dadi, nunu om poingkuro di altitud dilo kopomilo do tangaanak sikul tokou I guminayo id KHC diti lobi agaras id kaganaan ponongkusan tosodu?

Id kinoyonon altitude takawas nopo nga noilaan di tongokoilo ngai do poingkuri-kuri o gas oksijon (gas oksigen) nung piagalon kohoohoroon do gas oksijon ponong id sawa. Soira do okuri gas oksijon diti nga ounsub no di iri topos tokou (lungs) do kumaraja maganu gas oksijon mantad labus tinan. Nokoimpuun iti mantad di kosusu, om nakasandad gisom kolohing, nung do poingiyon took kasari hilo id kinoyonon I ki altitude tagayo. Dadi, kowoowoyooon miagal dilo no i nakapadadi tangaanak sikul tokou loobi kalantoi id ponongkusan tosodu ko I ponongkusan tongosomok. Soira do moi lantoi id pialaan ponongkusan pononghilo sawa nga poinlobi-lobi kopio koonuunuai toi panganganu gas oksijon di tangaanak sikul toko. Iti nopo nga sabab no do poinggagayo no mantad I topos om notoroning no mantad do okuri gas oksijon.

Iti nopo nga pibarasan montok koonuunuai do gas oksijon I oguno kopio toririmo om loolobi ontok haro pialaan miagal no do ponongkusan. Okon ko koonuunuai gas oksijon no i kasabab kalantaion toi kaalaan id pialaan sipoot. Kiharo nogi sabab suai miagal no haro toroning ko aiso, bangkad pinakai, kowoowoyoon tadau om suusuai po.