Tulun tokou mantad di pogulu po nga kiharo no koilaan tiknologi. Koilaan tiknologi diti noguno id mogikaakawo gana toi koilaan miagal no id pongintorusan, pongumaan, pomutanaman, pomuwalayan, tuunion om ogumu po.
Ginama mongintorus nopo nga iso poomitanan do osima tulun tokou koilaan tiknologi. Poomitanan nopo nga miagal no do kasip toi rungkasip, lawa toi tingkawa, walatik, gaba', sungul, sodik, tambong (montok), borusat, om ogumu po.
Id upa diti impunan ku daa kopotimungan ginama ngaawi tulun tokou i kaanu popokito do kosimaan tiknologi i noguno tokou mantad di pogulu po. Okon nopo ko kaanu pokitanan tiknologi tulun tokou nga kaanu nogi iti popokito tulun suai do tulun tokou kiharo koilaan tiknologi.
Kasip
Kasip toi rungkasip ka wookon nga iso ginama mongintorus. Tiknologi pongintorusan diti kopokito do akawas koilaan tiknologi om popotuduk nogi do akawas pomusarahan tulun tokou mantad di pogulu.
Ponguhatan:
1. Pungaranai tinan dio kasip tumanud do (a), (b), (c) gisom do (l).
2. Sanarayo' kakamot oguno montok momonsoi do kasip.
3. Intutunai honggo tiso pais om dangol okito doid gambaraja id sawat.
4. Nunu ngaran suang talun toi dupot i kosulung do kasip?
5. Id honggo o pataanan do kasip? Nokuro tu hiri o pataanan?
6. Pogulu do unda'on o kasip, ubason po suang talun. Iti nopo nga komoyon do mongubas pogulu tisoiso ginama pongintorus unda'on. Posoritao daa do poingkuro kopio komoyon do mongubas.
7. Tumanud nopo do pomusarahan nu, poingkuro laang momogompi koilaan tiknologi tulun tokou?
Di: Kombura.
