Danda rijisto kinosusuon nidu

Mimpuun 20.1.2012, danda porijistaan kinousuon noidu, tumanud di Woyoon Monurat KDN Tan Sri Mahmiid Adam.

gambar: google

Tumanud dau, danda porijistaan i nakatalib timpu (nakatalib 42 tadau mantad kinosusuon) noidu. RM10 om RM50 daa mantad o danda dilo.

Noboros disio do tumanud Sikson 38, Akta Porijistaan Kinosusuon om Kinapatayon 1957, milo iri Luguan Popotunud Porijistaan Pogun do popo'aiso do danda toiko kompaun nokomoi loolobi do mantad labus kakadaian toi mosikin iri minanagapalai.
Tumanud kooturan, mositi porijistoon kinosusuon id suang timpu 14 tadau miampai aharo baraian.


pinadalin mantad: http://www.bharian.com.my

Kouhupan Rayat Malaysia (BR1M)

Pambaraian Kouhupan Rayat Malaysia (BR1M) koimpuun ontok 15 Januari 2012. Kouhupon dilo pataakon po sabaagi do boucor BR1M. Poiloon i nakaaanu ngai kouhupan BR1M maya pos (surat). Milo nogi rumomut potilombus maya tilipun 1-800-222-500/ 1-300-88-3010 mimpuun ontok 16 Januari 2012, jaam 9 kosuabon gisom jaam 5 sosodopon. Milo do poolonon kumaa tusin ilo boucor maya bing ngaai miagal BSN om Maybank. Isai-isai i amu po nakapangapalai nga milo mangapalai pogulu 10 Februari 2012. Pootodon poom kumaa upis LHDN. isai nakapangapalainga amu nakaanu naapruf (approved) nga milo nogi magapalai kawagu momoguno poom wagu (poom 'pkoinsianan' @ borang rayuan, ka boh..ehehhe).

Osorou ku nopo daa nga apatut nakaanu ngai iri mamasok KHC, loolobi komolohingan, om ogumu po

Garan Komunal (Garan Sogia'an)

Pinadalin dii: Kombura

Konsip Garan Komunal (Garan Sogia'an) pinoimagon di Woyoon Montiri Sabah di ontok tulan ko-5 2010. inoimagon konsip diti tumanud ponimbanan kumaa Sikson 76, Ordinan Tana' Sabah 10.10.2009.


Garan Sogia'an kaanu do:
1. poposikap koonuan garan tana loolobi i kapahampit Hak Tanak Pogun (Hak Anak Negeri). 
2. manalasai koligaganan kahampit ponongonuan tana
3. monguhup popoimagon ikonomi id pogun diti
4. mangantob kapadagangan tana montok koimayaan sondiri nopo, 
5. 

Maya do konsip Garan Sogia'an diti patahakon o iso garan tana' kumaa sontimungan tulun. Ngaran tulun ngaawi nakahampit nopo nga pasanarayon id suang Garan Sogia'an diti. Kapadagangan tana id suang Garan Sogia'an nopo nga mositi kaanu kasagaan mantad toinsanan puru poinghampit. Obuli poworisan o tana id garan diti kumaa puru paganakan. Amu obuli poolonon kosongonuan tana id garan ditiom amu nogi milo poopungon (Hak milik tidak boleh dipindah atau dicagarkan secara individu).

(pinadalin mantad: http://sabahkini.net)

Nokoimagon iri kad kointutunan MyKad. Nokointarang do Kotinanan Porijistarahan Pogun (NRD) nakalabus no kad kointutunan kawawagu montok tulun pogun tokou Malaysia. 

Tumanud do NRD kad kointutunan kawawagu dilo noppo nga nokoimagon kopio tu amu kaka milo do pilosuon. Misuai kopio ilo tu kiharo duo gambar. Momoguno do tiknologi laser bobos poinsonong id pomogunan diti o kapamansayan do kad kointutunan dio. Noboros nogi do NRD do pasagaon tulun ginumuan do amu mongolon kad kointutunan kumaa kad kointutunan kawawagu gisom do iso timpu di amu po natantu. Amu pinoboros do piro kabarai nung mongapalai monginwagu kumaa kad kointutunan diti. Nga tumanud NRD, ogumu no tulun ginumuan do minongolon kumaa kad kointutunan wagu diti.