Kopisanangan.
Hilo nopo kaalaian ku di pogulu nga' mogisuusundait tulun kampung ontok mongomot do parai tidong. Aramai kopio tuu songirak-kirak po om sumoonu nopo nga sangkadaada do momusorou doti tisimbar do sundait. Koubasanan nogi do miala-ala iri tongo kusai om tongondu do misundait. Om haro nondo pongontok montok dit kosimbar bobos togumu. Aala nopo dii iri tongokusai nga danda'on no di do monius sanggalas sapol om iri tongondu nopo nga moninggarung.
Bah, roito...
Tolitodungka, milo patalibtalib kalapus do ginawo,om mohuskohus o tongus. (Kombura, 12.8.2014)
Ogumu sundait aramit toko do baino maya do intonit, om amu nodi monutun do timpu mongomot po toi ontok timpu dumuom; ontok timpu kosuabon po toi pitanga'tuong. Sundait ngai' nopo diti nga naramit ku mantad tulun ginumuan maya do intonit om modia sosial do suai:
1. Hiti kopo doyo, momurandoi oku po, oilaan toh om kogungguli, tompulawa minantob.
2. Potiason do palad, puhuon do kabang
3. Tangkalamai oku tokoro po, kombura oku tosukod, buhod oku tumulud
4. Gisosong do tinanku, giwowoyo tinan kud momitongguran, diriku momirandagan, iti po koomuan, iti po kokuwaan, tu tinan ku minlopung lopung, tobuk ku pokuyunggot
5. Tolu wakau mirulud po poinpatat, posorili gisom kadapit au milo (ala oi amu noompus ti sundait).
Hilo nopo kaalaian ku di pogulu nga' mogisuusundait tulun kampung ontok mongomot do parai tidong. Aramai kopio tuu songirak-kirak po om sumoonu nopo nga sangkadaada do momusorou doti tisimbar do sundait. Koubasanan nogi do miala-ala iri tongo kusai om tongondu do misundait. Om haro nondo pongontok montok dit kosimbar bobos togumu. Aala nopo dii iri tongokusai nga danda'on no di do monius sanggalas sapol om iri tongondu nopo nga moninggarung.
Bah, roito...
Tolitodungka, milo patalibtalib kalapus do ginawo,om mohuskohus o tongus. (Kombura, 12.8.2014)
Ogumu sundait aramit toko do baino maya do intonit, om amu nodi monutun do timpu mongomot po toi ontok timpu dumuom; ontok timpu kosuabon po toi pitanga'tuong. Sundait ngai' nopo diti nga naramit ku mantad tulun ginumuan maya do intonit om modia sosial do suai:
1. Hiti kopo doyo, momurandoi oku po, oilaan toh om kogungguli, tompulawa minantob.
2. Potiason do palad, puhuon do kabang
3. Tangkalamai oku tokoro po, kombura oku tosukod, buhod oku tumulud
4. Gisosong do tinanku, giwowoyo tinan kud momitongguran, diriku momirandagan, iti po koomuan, iti po kokuwaan, tu tinan ku minlopung lopung, tobuk ku pokuyunggot
5. Tolu wakau mirulud po poinpatat, posorili gisom kadapit au milo (ala oi amu noompus ti sundait).
