Minampayang o pomogunan

Nokosorita oku di gaman konihab. Susuyai oku no di gaman do nawayaan hiti pogun:-
"Di pogulu nopo nga minampayang o hiti pomogunan. Poimpuli kaka minampayang. Iti nopo kaalayan (Kg. Libodon @ Tudan Kiulu) diti nga okon ko miagal diti di pogulu..no'oyo iti sabab minampayang o pomogunan. Olumis ko iti kaka daa kokitanan pogun hiti di pogulu", ka di gaman. Intangai ku posorili nga ongotidong kopio. Osorou ku nopo di daa nga apatau kanto timpak nulu. "Okon songintidong tomod. Baino nopo nga ogumu kopio ongotidong om kowotuan. iri nopo kaalaian Pogunon om Kolopis hilo Pinampang nga okon ko daa ko miagal dii o kokitanan dau. Nga noluyungan om nowokok gia tana napayang om irad dii iri do baino.

Iri no ngai waya di minampayang. Pogulu do minampayang nga minagadau solinaid sontoun. Noko baragang ngai sangop. Koula lapap do gaang do tana. Bawang nga somputut-putut. Narasakan." Koili oku ponong bawang Libodon. Ologod tomod karangahan waig dau lumuyung. Osorou ku po poingkuro somputut-putut po ilo bawang Libodon. "Minongoit kosusasaan kumaa tulun-louson sabab aiso taakanon." ka kaagu gaman monusui. "Kogonop nopo sontoun om rasam nodi tomod. Minogompus. Sombulan kopio ri rasam. Di mingongompus nodi sombulan ri rasam om pihoi-pihoi no kaka ri rasam. Ontok kaka dii do pampayang nodi. Dontotouong kaka ri minampayang. Mongkuropit kaka ponong sokid sulap sabab mumang no payang. Mamanau no ri sulap katanud di tana mumang payang. Opisok iri tudung pobigodon ponong sokid tu kotolop hiri tana mumang piang. Minongoit kopio kosusaan kagu ri. Ontok di pampayang nga lumantaid po ngai tongo gumpai o tulun.

Iri nopo taki di taki dokoyu (intolu kopuokiai) nga poulian nogi daa mantad hinumombo. Nga amu di yau kosoborong di tuhan tagayo tomod. Sinumusut kaka daa yau hiri siriba iso watu nga nooruan tomod di sinogitan. Nga hiri-hiri nodi kaka gia di iyaki. Kokito nopo diolo i yaki nga tulang-tulang po di kaka gia miampai sabat dau kisuang po do tulang do kirabas."

Kosusui di gaman iti nga kosorou oku. Do id suang wulan hopod om duo (12) toun diti nga haro kanto di kaantakan hiti pomogunan. Amu di kopio noilaan nunu nga ko'oit kaka iri kanto kosusaan kumaa pomogunan. hilo nopo pomogunan Morikan (Amerika nga iri nopo awayaan dii nga koontok kopio om noilaan mantad nodi tulun Maya, hilo pogun Mexico.

Kiulu Highlanders Community (Komuniti Tulun Sokid Kiulu): Gunoon dokoyu pomoli buuk toi kosukupan sikul. Om tongo sabun monsu

Kiulu Highlanders Community (Komuniti Tulun Sokid Kiulu): Gunoon dokoyu pomoli buuk toi kosukupan sikul. Om tongo sabun monsu: Nazri: Large number of foreigners in Sabah not a threat

Gunoon dokoyu pomoli buuk toi kosukupan sikul. Om tongo sabun monsu

Batos porinta maya bajit 2013:

1.     BR1M 2.0 RM500.00 montok luguan paganakan i ki koonuan id siriba RM3000.00 sombulan. Oinsanan I nakaanu BR1M di nakatalib automatik kaanu BR1M 2.0. Mimpuun mangapalai/monuang poom BR1M 2.0 id suang tulan koiso (Januari) 2013.

2.     RM250.00 montok amu nasawo toi nakasawo id sawat 21 toun om ki koonuan id siriba RM2000.00 sombulan.

3.     RM100.00 montok tangaanak sikul tosiriba om takawas. Baraian iti ontok wulan koiso 2013. Gunoon dokoyu pomoli buuk toi kosukupan sikul. Om tongo sabun monsu ngai. hehehe

4.     Bauco (voucher) RM250.00 montok susumikul yunovorsiti om prayunivorsiti.

5.     Minongutang PTPTN onuan 20% diskaun nung ai mambayar id suang sontoun mimpuun 01.10.2012. Onuan nogi 10% diskaun sontoun nung atatap mambarai tutang kumaa PTPTN.

6.     Bonus sombulan satanga gaji kumaa kukumaraja porinta. Bonus satanga bulan nopo nga naanu di tadau raya di nakatalib. Satanga bulan gaji aanu kagu id suang tulan kohopod om duo (Disember) om satanga bulan gaji kagu aanu id suang tulan koiso (Januari) toun 2013.

7.     Soginumu RM1.2 bilion (soribu duo nahatus riong) pinosodia montok prujik talun-alun id labus kakadaian. Alansan do talun-alun Kg. Gonipis moi Kg. Bambangan/Kg. Tobobon nokosuang.

8.     Soginumu RM1.6 bilion toi soribu onom nahatus riong pinobai montok kotundaan koonuan waig om ginaras lotirik. Alansan do nokosuang nogi kooputan ginaras lotirik kumaa watas KHC.

9.      Pinoinsiriba subsidi gatagn gula soginumu RM0.20 sen. Komoyon nopo diti nga koingkawas moti gating gula id kadai. Kuukurian tokou koti gula id tinumon, nga gumuon gula id tirak toko.

10. Soginumu 57 kadai rayat 1Malaysia (KR1M) wonsoyon id Sabah om Sarawak. Alansan haro iso KR1M diti wonsoyon ponong id Donggongon tuu kosoruan toko mooi tomu hilo om momoli kakamot ngai walai.

11.  Gatang sontuung gas mogonsok 14kg poinsiribaon kumaa RM26.60 no.

12. Soginumu 50 paratus diskaun tambang kumaa toi mantad Labuan. Komoyon nopo ti nga koinsiriba tambang feri kumaa om mantad Labuan. Bah, sosoruan mooi hilo Labuan om monimung do Chivas!hahaha…

13. Cukai koperasi pinoinsiriba 1 paratus gisom 7 paratus. Bah komuniti KHC, amu toko daa popoimagon koperasi KHC?

14. Tangaanak sikul potilombuson kaanu molos buuk teks, taakanon asrama, om kouhupan yuran sikul. Tangaanak sikul kou ngai, gompion kopio buuk teks di noolos om oguno no tongo tadi toko sumonu.

Do nunu nopo nokobatos do porinta maya bajit 2012 nga amu akapanu toi oponu om amu korikot kumaa rayat nung amu kitonggungan iri kahampit ngai papanau prujik toi kouhupan porinta dilo. Dadi, alansan toko kumaa isai-isai nopo kahampit papapanu batos dilo do paparamit daa kopio kumaa rayat oinsanan kouhupan nakabatos dilo.

Kotoluadan

Pinadalin di: Kombura Discovery

Tiiks poimponu bajit 2013 aanu nogi id intonit.